АЙЛААС ЭРЭХЭЭР АВДРАА УУДАЛ…

Саявтархан нэг иргэнтэйгээ ярьж байтал, “улс орнууд хөгжлийн төлөвлөгөө, зорилт сэлтээ тодорхойлчихсон байх юм, манайх хаашаа байдаг юм бол доо” гэх үг цухуйлгаж байсан. Би хариуд нь манай улс ч мөн адил урт хугацаааны хөгжлийн бодлогын Алсын хараа-2050 зорилгуудаа 2020 онд баталсныг хэлж байсан юм. Тиймээс гарчгийг “Айлаас эрэхээр авдраа уудал” гэж нэрлэлээ.

https://legalinfo.mn/mn/detail/15406

Үүнээс үүдэн Чех улсад аж төрж буй Монголчууддаа хандан товч мэдээлэл өгье гэж бодлоо. Өдгөө энэ улсад манай улсын 11500 гаруй иргэн ажиллаж амьдарч байна. Хүйсийн харьцааны хувьд нэн тэнцүү, гэр бүлээрээ байдаг гэх зэрэг давуу талтай. Мөн монгол хүүхдүүд энд өсч торниж байна. Цаашилбал, Монгол Улсын хүн ам 2030 онд 4 сая, 2040 онд 4,6 сая, 2050 онд 5,4 сая болно гэж дээрх баримт бичигт тооцоолжээ. Энэ тооцоонд та бүхэн, та бүхний хойч ирээдүй хамрагдаж буй.
“Алсын хараа-2050” зорилтыг арав, арван жилээр хэрэгжүүлэхээр нарийвчилсан. Харин 9 үндсэн зорилготой.

Source